ಜೀವವೈವಿಧ್ಯತೆಗಳ ವಿಶ್ವರೂಪ ನೇತ್ರಾಣಿ ದ್ವೀಪ

ನೇತ್ರಾಣಿ ಭಟ್ಕಳ ತಾಲೂಕಿನ ಮುರುಡೇಶ್ವರ ಬಳಿ ಇರುವ ಸುಂದರ ದ್ವೀಪ ಇದು ಅಪರೂಪದ ಜೀವ ವೈವಿಧ್ಯಗಳ ಅಪೂರ್ವ ತಾಣ ಮುರುಡೇಶ್ವರದಿಂದ ಸಮುದ್ರ ಮಧ್ಯದಲ್ಲಿ ಇರುವ ಈ ದ್ವೀಪ ತಲುಪಲು ಸುಮಾರು 19 ಕಿ.ಮೀ ದೂರ ಕ್ರಮಿಸಬೇಕು ಸರಿ ಸುಮಾರು ಹದಿನೈದು ಎಕ್ರೆಯಷ್ಟು ವಿಸ್ತೀರ್ಣದ ಈ ದ್ವೀಪ ಪ್ರದೇಶ ಹಲವು ಕೌತುಕಗಳ ತಾಣ ನೇತ್ರಾಣಿಯ ಸಮುದ್ರ ಜೀವ ವಿಜ್ಞಾನದ ದೃಷ್ಟಿಯಿಂದ ಅತ್ಯಂತ ಶ್ರೀಮಂತ ಪ್ರದೇಶ ಅತ್ಯಧಿಕ ಜೀವವೈವಿಧ್ಯತೆಗಳು ನೆಲೆಗೊಂಡ ತಾಣ ಅತ್ಯಧಿಕ ಉತ್ಪಾದನಾ ಸಾಮರ್ಥ್ಯವಿರುವ ಪ್ರಪಂಚದ ಸಮುದ್ರಗಳಲ್ಲೊಂದಾಗಿದೆ ನೇತ್ರಾಣಿ ದ್ವೀಪದ ಸಮುದ್ರ ಪಾರಿಸಾರಿಕ ಶ್ರೇಷ್ಠತೆಯನ್ನು ಪರಿಗಣಿಸಿ ನೇತ್ರಾಣಿ ದ್ವೀಪವನ್ನು ಸಂರಕ್ಷಿತ ಪ್ರದೇಶವನ್ನಾಗಿ ಘೋಷಣೆ ಮಾಡಬೇಕು ಎಂದು ಪರಿಸರವಾದಿಗಳು ನ್ಯಾಯಲಯದಲ್ಲಿ ದಾವೆ ಹೂಡಿದ್ದರು ಆದರೆ ಭಾರತೀಯ ನೌಕಾಪಡೆ ತಮಗೆ ಸಮರಾಭಾಸ್ಯ ಕೈಗೊಳ್ಳಲು ನೇತ್ರಾಣಿ ದ್ವೀಪ ಪರಿಸರ ಬೇಕೆಂದು ಪ್ರತಿವಾದ ಮಂಡಿಸಿದ್ದರಿಂದ ನ್ಯಾಯಲಯ ಈ ದ್ವೀಪವನ್ನು ನೌಕಾಪಡೆಯವರ ಸುರ್ಪಧಿಗೆ ಕೊಟ್ಟಿತ್ತು.

ಅಲ್ಲಿಯವರೆಗೂ ನೇತ್ರಾಣಿ ದ್ವೀಪಕ್ಕೆ ಹೋಗಲು ಮುಕ್ತ ಸ್ವಾತಂತ್ರ್ಯವಿತ್ತು ಆದರೆ ನೌಕಾಪಡೆಯ ಸ್ವಾಧೀನಕ್ಕೆ ಬಂದ ಮೇಲೆ ಈ ದ್ವೀಪಕ್ಕೆ ಹೋಗಲು ಪೂರ್ವಾನುಮತಿಯ ನಿರ್ಬಂಧವಿದೆ ದ್ವೀಪದಲ್ಲಿ ಮೀನುಗಾರರು ಶ್ರೀ ಜಟ್ಟಿಗೇಶ್ವರ ದೇವರನ್ನು ಆರಾಧಿಸಿಕೊಂಡು ಬಂದಿದ್ದಾರೆ ಪ್ರತಿವರ್ಷ ಮೀನುಗಾರ ಸಮುದಾಯದವರು ಶ್ರೀ ಜಟ್ಟಿಗೇಶ್ವರನಿಗೆ ಪೂಜೆ ಸಲ್ಲಿಸಿ ಸಮೃದ್ಧಿ ಮತ್ತು ಸುರಕ್ಷತೆಗಾಗಿ ಪ್ರಾರ್ಥಿಸುತ್ತಾರೆ ಅಚ್ಚರಿಯೆಂಬಂತೆ ನೇತ್ರಾಣಿ ದ್ವೀಪದಲ್ಲಿ ಸಿಹಿನೀರಿನ ಬಾವಿಯಿದ್ದು ಕುಡಿಯಲು ಯೋಗ್ಯವಾಗಿದೆ ಎಂದು ಹೇಳುತ್ತಾರೆ ಸುತ್ತ ಸಮುದ್ರದ ಅಗಾಧ ಜಲರಾಶಿಯಿದ್ದರೂ ಇಲ್ಲಿ ಮಾತ್ರ ಸಿಹಿನೀರಿನ ಬಾವಿ ಇರುವುದು ಪವಾಡವೇ ಸರಿ.

ಈ ಹಿಂದೆ ಅಂದಿನ ಕೇಂದ್ರ ಸರಕಾರ ತಮಿಳುನಾಡಿನ ಪಾಕ್ ಜಲಸಂಧಿ ಹಾಗೂ ಮನ್ನಾರ್ ಖಾರಿ ಪ್ರದೇಶದಲ್ಲಿ ಸೇತುಸಮುದ್ರಂ ಯೋಜನೆ ಕೈಗೊಂಡಿತ್ತು.ಆದರೆ ದೇಶಾದ್ಯಂತ ನಡೆದ ಪ್ರತಿಭಟನೆಯ ಫಲವಾಗಿ ಸರ್ಕಾರ ಆ ಯೋಜನೆಯನ್ನು ಕೈಬಿಟ್ಟಿತ್ತು.ಪರಿಣಾಮವಾಗಿ ಕೇಂದ್ರ ಸರ್ಕಾರದ ಪರಿಸರ ಮತ್ತು ಅರಣ್ಯ ಮಂತ್ರಾಲಯ ಹಾಗೂ ತಮಿಳುನಾಡು ಅರಣ್ಯ ಇಲಾಖೆ ಮನ್ನಾರ್ ಖಾರಿ ಮತ್ತು ಕಾಲುವೆಯ ನಡುವಿನ 21 ದ್ವೀಪ ಪ್ರದೇಶಗಳನ್ನು ರಾಷ್ಟ್ರೀಯ ಸಾಗರೋದ್ಯಾನವೆಂದು ಘೋಷಿಸಿದೆ ಇದೇ ಮಾದರಿಯಲ್ಲಿ ಜೀವವೈವಿಧ್ಯಗಳ ತಾಣವಾಗಿರುವ ನೇತ್ರಾಣಿ ದ್ವೀಪವನ್ನು ಉಳಿಸಿಕೊಳ್ಳಲು ಚಳವಳಿ ನಡೆಯಬೇಕಾಗಿತ್ತು ದುರದೃಷ್ಟವಶಾತ್ ಆ ಪ್ರಯತ್ನವಾಗಲಿಲ್ಲ ನೇತ್ರಾಣಿ ದ್ವೀಪದ ಸಮುದ್ರದಲ್ಲಿ ಇಂದು ಸ್ಕೂಭಾ ಡ್ರೈವಿಂಗ್ ನಡೆಯುತ್ತದೆ ನೌಕಾಪಡೆಯವರು ಸಮರಾಭಾಸ್ಯಕ್ಕಾಗಿ ಮದ್ದುಗುಂಡುಗಳನ್ನು ಸಿಡಿಸುತ್ತಾರೆ ಇಲ್ಲಿ ಅಪರೂಪದ ಹವಳದ ದಿಬ್ಬಗಳಿವೆ ಇದು ಅತಿ ಹೆಚ್ಚಿನ ಜೀವವೈವಿಧ್ಯತೆಯನ್ನು ಮತ್ತು ಹೆಚ್ಚಿನ ಉತ್ಪಾದಕತೆಯನ್ನು ಹೊಂದಿರುವ ಪ್ರದೇಶಗಳಾಗಿವೆ ಎಲ್ಲಾ ಜಾತಿಯ ಮೀನುಗಳು ಮೂರನೇ ಒಂದು ಭಾಗದಷ್ಟು ಹೇಗೋ ಒಂದು ರೀತಿಯಲ್ಲಿ ಹವಳದ ದಿಬ್ಬವನ್ನು ಅವಲಂಬಿಸಿರುತ್ತದೆ ಈ ಹವಳದ ದಿಬ್ಬಗಳು ಕರಾವಳಿಯನ್ನು ಸವಕಳಿಯಿಂದ ರಕ್ಷಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ.