ಕುಂದಾಪುರ, ಉಡುಪಿ ಮತ್ತು ಮಂಗಳೂರು ಪ್ರಾಂತ್ಯದ ಗುರುವಂದನ ಹೊಸ ಸಮಿತಿ ಸದಸ್ಯರು

ಶ್ರೀ ಶೃಂಗೇರಿ ಶಾರದಾಪೀಠದ ಕುಂದಾಪುರ, ಉಡುಪಿ ಮತ್ತು ಮಂಗಳೂರು ಪ್ರಾಂತ್ಯದ ಸಮಸ್ತ ಕೊಂಕಣಿ ಖಾರ್ವಿ ಸಮಾಜ ಬಾಂಧವರಿಗೆ ಶ್ರೀ ಗುರುಸ್ಮರಣೆಗಳು..

ಬಹಳ ಹಿಂದಿನಿಂದಲೂ ಶೃಂಗೇರಿ ಗುರುಪೀಠಕ್ಕೂ ನಮ್ಮ ಸಮಾಜಕ್ಕೆ ಅವಿನಾಭಾವ ಸಂಬಂಧವಿದ್ದು ನಮ್ಮ ಪೂರ್ವಜರು ಊರ ಪಟೇಲರು, ನಾಯಕರು ಶ್ರೀ ಪೀಠಕ್ಕೆ ಹೋಗಿ ಶೃಂಗೇರಿ ಶಾರದಮ್ಮನ ದರ್ಶನಮಾಡಿ ಗುರುಗಳಿಗೆ ಪಾದಪೂಜೆ,. ಭಿಕ್ಷಾವಂದನೆ ಹಾಗೂ ಗುರುಕಾಣಿಕೆ ಸಲ್ಲಿಸಿ ಗುರುಗಳ ಆಶೀರ್ವಾದವನ್ನು ಪಡೆದು ಬರುವುದು ವಾಡಿಕೆಯಾಗಿರುತ್ತದೆ. ಇತ್ತೀಚಿಗೆ ಅಂದರೆ ಸುಮಾರು 2೦೦೦ ಇಸವಿಯಿಂದ ಉತ್ತರ ಕನ್ನಡದ ನಮ್ಮ ಸಮುದಾಯದವರು ಗುರುದರ್ಶನ ಸಮಿತಿ ಉತ್ತರ ಕನ್ನಡ ಸಮಿತಿ ರಚನೆಮಾಡಿ ಅತೀ ಹೆಚ್ಚಿನ ಸಂಖ್ಯೆಯಲ್ಲಿ ಸೇರಿ ಗುರುಭವನದಲ್ಲಿ ಗುರುಗಳು ಚಾತುರ್ಮಾಸ್ಯ ವೃತಾಚರಣೆಯ ಶುಭ ಸಂದರ್ಭದಲ್ಲಿ ಮಠದ ಆಡಳತ ಕಛೇರಿಯಿಂದ ಸೂಚಿಸಿದ ದಿನದಂದು ಗುರುದರ್ಶನಮಾಡಿ ಗುರುಗಳಿಂದ ಅನುಗ್ರಹ ಭಾಷಣವನ್ನು ಆಲಿಸಿ ಅವರ ಆಶೀರ್ವಚನದಿಂದ ಪುನೀತರಾಗಿ ಪುಳಕಿತರಾಗುತ್ತಿದ್ದರು. ನಂತರ 2೦೦4 ಇಸವಿ ಯಲ್ಲಿ ನಡೆದ ಅಖಿಲ ಕರ್ನಾಟಕ ಕೊಂಕಣಿ ಖಾರ್ವಿ ಸಮಾಜದ “ಚಿಂತನ-ಮಂಥನ” ಸಭೆಯಲ್ಲಿ ಸಮಾಜದ ಗಣ್ಯಾತಿಗಣ್ಯರ ಹಿರಿಯವರ ಹಾಗೂ ಯುವ ಮುಂದಾಳುಗಳ ಸಮ್ಮುಖದಲ್ಲಿ ನಾವು ಕುಂದಾಪುರ ಉಡುಪಿ ಮಂಗಳೂರು ಭಾಗದ ಸಮುದಾಯದವರು ಸ್ವಾಮಿ ದರ್ಶನವನ್ನು ಸಾಮೂಹಿಕವಾಗಿ ಮಾಡಬೇಕು ಎನ್ನುವ ಉದ್ದೇಶದಿಂದ ಶ್ರೀಯುತ ಕುಂದಾಪುರ ನಾರಾಯಣ ಖಾರ್ವಿಯವರ ಮುಂದಾಳತ್ವದಲ್ಲಿ ಸಮಿತಿ ರಚನೆಯಾಯ್ತು ಮತ್ತು ಅದಕ್ಕೆ ಗುರುವಂದನ ಸಮಿತಿ ಉಡುಪಿ ಮತ್ತು ದಕ್ಷಿಣ ಕನ್ನಡ ಎನ್ನುವ ನಾಮಕರಣವಾಯ್ತು. ಹಾಗೆಯೇ ಜಿಲ್ಲೆಯ ಎಲ್ಲಾ ಹಿರಿಯರು, ಪಟೇಲರು, ನಾಯಕರು, ಸಂಘ-ಸಂಸ್ಥೆಗಳು, ದೇವಸ್ಥಾನದ ಕಮಿಟಿಯವರು, ಮೊಕ್ತೇಸರರು, ಹತ್ತು ಸಮಸ್ತರ ಮುಖಂಡರನ್ನು ಸಂಪರ್ಕಮಾಡಿ ಎಲ್ಲಾ ಭಾಗದಲ್ಲಿಯೂ ಸಭೆಮಾಡಿ ಸಂಘಟನೆಗೆ ಹೆಚ್ಚಿನ ಶಕ್ತಿ ಮತ್ತು ಪುಷ್ಠಿ ನೀಡುವಲ್ಲಿ ಹಿಂದಿನ ಕಮಿಟಿಯವರು ಯಶಸ್ವೀಯಾಗಿರುತ್ತಾರೆ.

ಕಳೆದ ನಾಲ್ಕುವರುಷದ ಹಿಂದೆ ನಮ್ಮ ನಿಕಟಪೂರ್ವ ಅಧ್ಯಕ್ಷರಾದ ಕುಂದಾಪುರ ನಾರಾಯಣ ಖಾರ್ವಿಯವರು ಕಮಿಟಿ ಬದಲಾವಣೆಯಾಗಬೇಕು ಒಂದೇ ಕಮಿಟಿಯವರು ಕಾರ್ಯವಹಿಸುವುದು ಒಳ್ಳೆಯ ಬೆಳವಣಿಗೆಯಲ್ಲ ಎಂದು ಮನಗೊಂಡು ಮಾತೃ ಸಂಸ್ಥೆಯಾದ ಕೆ.ಕೆ.ಎಮ್.ಎಸ್.ಗೆ ತಮ್ಮ ರಾಜನಾಮೆ ಪತ್ರವನ್ನು ಕೊಟ್ಟರು. ಮುಂದೆ ಕಮಿಟಿಯ ಕಾರ್ಯಚಟುವಟಿಕೆ ಇಲ್ಲದ್ದಿದ್ದರು ಚಾತುರ್ಮಾಸ್ಯದಲ್ಲಿ ಗುರುಗಳ ದರ್ಶನ ಮಾಡಿಕೊಂಡು ಬರುವುದು ನಿರಂತರವಾಗಿತ್ತು. ಇತ್ತೀಚಿನ ದಿನಗಳಲ್ಲಿ ಗುರುದರ್ಶನಮಾಡುವಲ್ಲಿ ಜನರ ಒತ್ತಡದಿಂದ ಅನಾನುಕೂಲವಾಗುತ್ತಿರುವುದು, ನೂಕುನುಗ್ಗಲಿನಿಂದ ಶಿಸ್ತುಪಾಲಿಸುವಲ್ಲಿ ತೊಡಕಾಗಿರುವುದು ಸಾಮಾನ್ಯವಾಗಿ ಎಲ್ಲರಿಗೂ ಗೊತ್ತಿರುವ ಬೇಸರದ ಸಂಗತಿ. ಧರ್ಮನಿಷ್ಠೆ ಹಾಗೂ ಗುರುಗಳ ಆಶೀರ್ವಾದ, ಮಾರ್ಗದರ್ಶನವನ್ನು ಜೀವನದಲ್ಲಿ ಪಾಲಿಸಿಕೊಂಡು ಒಂದು ಸುಸಂಸ್ಕೃತ ಸಮಾಜವನ್ನು ನಿರ್ಮಾಣ ಮಾಡಲೋಸುಗ ಹುಟ್ಟಿಕೊಂಡ ಈ ಗುರುವಂದನ ಸಮಿತಿ ಗುರುಗಳ ದರ್ಶನಕ್ಕೆ ಮುಂದೆ ಎಲ್ಲಿಯೂ ಚ್ಯುತಿಬರಬಾರದು ಎನ್ನುವ ಉದ್ದೇಶದಿಂದ ಸಮಾಜದ ಚಿಂತಕರು ಚಿಂತನೆ ಮಾಡಿರುವುದನ್ನು ಅರಿತು, ಈ ನಮ್ಮ ಗುರುವಂದನ ಸಮಿತಿ ದಕ್ಷಿಣ ಕನ್ನಡ ಮತ್ತು ಉಡುಪಿ ಜಿಲ್ಲೆ ಪನರೂರ್ಜಿತಗೊಳಿಸುವುದೆಂದು ಹಿರಿಯರು ಸೇರಿರುವ ಸಭೆಯಲ್ಲಿ ಒಪ್ಪಿದ ಪ್ರಕಾರ ದಿನಾಂಕ: 5 ಜುಲೈ 2೦22 ಮಂಗಳವಾರ ಕುಂದಾಪುರ ಖಾರ್ವಿಕೇರಿ ಶ್ರೀ ಮಹಾಕಾಳಿ ಅಮ್ಮನ ಸಾನಿಧ್ಯದಲ್ಲಿ ಸಭೆಯನ್ನು ಆಯೋಜಿಸಿತು. ಎಲ್ಲಾ ಭಾಗದಲ್ಲಿಯೂ ಸಕಾರಾತ್ಮಕವಾದ ಅಭಿಪ್ರಾಯ ಮತ್ತು ಮನ್ನಣೆ ಸಿಕ್ಕಿತು, ಗುರುವಂದನೆಗೆ ನಮಗೆ ದಿನಾಂಕ ನಿಗದಿಯಾದ ಮಾಹಿತಿ ನಮಗೆ ಸ್ವಲ್ಪ ತಡವಾಗಿ ಸಿಕ್ಕಿರುವುದರಿಂದ ಎಲ್ಲಾ ಮುಖಂಡರನ್ನು ಸಂಪರ್ಕಿಸಲು ಕಷ್ಟಸಾಧ್ಯವಾಗಿರುವುದರಿಂದ ಕ್ಷಮೆಯನ್ನು ಯಾಚಿಸುತ್ತೇವೆ.