ಬಂಡವಾಳಶಾಹಿಗಳ ಕಪಿಮುಷ್ಠಿಯಲ್ಲಿ ಕರಾವಳಿ ತೀರ

ಸರಕಾರಿ ಕೃಪಾಪೋಷಿತ ಬಂಡವಾಳಶಾಹಿಗಳ ಖಾಸಗಿ ಸಂಸ್ಥೆಗಳ ಬಗ್ಗೆ ಅವಲೋಕಿಸಿದಾಗ ಕಾರ್ಲ್ ಮಾರ್ಕ್ಸ್ ಹೇಳಿದ ಮಾತು ನೆನಪಿಗೆ ಬರುತ್ತದೆ ಲಾಭದ ಶೇಖರಣೆ ,ಕ್ರೋಢೀಕರಣ ಹೆಚ್ಚಾದಂತೆಲ್ಲಾ ,ಖಾಸಗಿ ಬಂಡವಾಳದ ಉದ್ದಟತನ ಜಾಸ್ತಿಯಾಗುತ್ತದೆ. ಶೇಕಡಾ 10ರಷ್ಟು ಬಂಡವಾಳ ಎಲ್ಲ ಕಡೆ ಹಬ್ಬಿಕೊಳ್ಳುತ್ತದೆ ಅದು ಶೇಕಡಾ 20 ರಷ್ಟು ಹೆಚ್ಚಾದಾಗ ಬಹಳ ಚುರುಕಾಗಿ ಕೆಲಸ ಮಾಡುತ್ತದೆ ಅದು ಶೇಕಡಾ 60 ರಷ್ಟು ಹೆಚ್ಚಾದಾಗ ನಿರ್ಭಯವಾಗಿ ವರ್ತಿಸಲಾರಂಭಿಸುತ್ತದೆ ಅದು ಶೇಕಡಾ 100ರಷ್ಟಾದರೆ ಸಾಕು ಎಲ್ಲಾ ಕಾನೂನು ಕಟ್ಟಲೆಗಳನ್ನು ಮೆಟ್ಟಿ ನಿಲ್ಲುತ್ತದೆ ಎಲ್ಲರನ್ನು ಎಲ್ಲವನ್ನು ಭಸ್ಮ ಮಾಡಿ ಬಿಡುತ್ತದೆ ಅದು ಮೀರದ ದುಷ್ಕ್ರತ್ಯಗಳಿರುವುದಿಲ್ಲ ಇದಕ್ಕೆ ಜ್ವಲಂತ ಸಾಕ್ಷಿ ಹೊನ್ನಾವರ ಖಾಸಗಿ ಬಂದರು ನಿರ್ಮಾಣ ಕಾಮಗಾರಿ

ತನ್ನನ್ನು ಪ್ರಶ್ನಿಸಿದವರನ್ನು ಹೊಸಕಿ ಹಾಕುತ್ತಾ ಕೊನೆಗೆ ತನ್ನನ್ನು ಬೆಳೆಸಿದ ಸರಕಾರಿ ವ್ಯವಸ್ಥೆಯನ್ನೇ ಆಹುತಿ ತೆಗೆದುಕೊಳ್ಳುತ್ತದೆ ಸರ್ಕಾರ ನಡೆಸುತ್ತಿರುವ ಶಿಖಾಮಣಿಗಳಿಗೆ ಅದೆಲ್ಲ ಅರ್ಥ ವಾಗುವುದಿಲ್ಲ. ಹೇಗೆ ಸರಕಾರಿ ಅರಣ್ಯ ಕಟಾವು ಗುತ್ತಿಗೆ ಪಡೆದ ಗುತ್ತಿಗೆದಾರ ಕಟಾವಿಗೆ ನಿಗದಿ ಪಡಿಸಿದ ಅರಣ್ಯ ಮಾತ್ರ ವಲ್ಲ ಅದಕ್ಕೆ ಹೊಂದಿಕೊಂಡಿರುವ ಅರಣ್ಯ ದ ಮರಮಟ್ಟುಗಳನ್ನು ಬೋಳಿಸುತ್ತಾ ಹೋಗುತ್ತಾನೆಯೋ ಹಾಗೆ ಕಾಸರಗೋಡು ಖಾಸಗಿ ಬಂದರು ನಿರ್ಮಾಣ ಸಂಸ್ಥೆ ಸಮುದ್ರ ಮಾತ್ರವಲ್ಲ ಅದರ ಸುತ್ತ ಮುತ್ತ ಪ್ರದೇಶ ಕೂಡಾ ತನ್ನದೇ ಎಂಬಂತೆ ಅಧಿಕಾರ ಚಲಾವಣೆ ಮಾಡುತ್ತಿದೆ.

ಬ್ರಿಟಿಷ್ ಆಳ್ವಿಕೆಯಲ್ಲಿ ಸಾಮ್ರಾಜ್ಯ ಶಾಹಿ ಹಿಡಿತದಲ್ಲಿದ್ದ ಭಾರತವು ಸ್ವಾತಂತ್ರ್ಯ ನಂತರ ನವ ವಸಾಹತುಶಾಹಿ ವ್ಯವಸ್ಥೆ ಯಲ್ಲಿ ಬಹುಮಟ್ಟಿಗೆ ಸಿಕ್ಕಿ ಹಾಕಿಕೊಂಡಿದೆ ಅಂದರೆ ಹಿಂದೆ ನಡೆಯುತ್ತಿದ್ದ ನೇರ ಶೋಷಣೆ ಇದೀಗ ಹೊಸ ರೂಪ ಪಡೆದುಕೊಂಡು ಖಾಸಗಿ ಸಂಸ್ಥೆ ಗಳ ಮೂಲಕ ನಡೆಯುತ್ತಿದೆ ಬೇಡ ಬೇಡವೆಂದರೂ ಶನಿವಾರ ಕಾಸರಗೋಡಿನ ಬಡ ಮೀನುಗಾರರ ಮೇಲೆ ನಮ್ಮ ಆಡಳಿತ ವ್ಯವಸ್ಥೆ ನಡೆಸಿದ ಅಮಾನವೀಯ ದೌರ್ಜನ್ಯ ನೆನಪಾಗಿ ಕಣ್ಣಾಲಿಗಳು ತೇವಗೊಳ್ಳುತ್ತದೆ ಮಹಿಳೆಯರ ಆಕ್ರಂದನ ಮುಗ್ದ ಮಕ್ಕಳ ಆಳಲು ಮನೆಗಳ ಮೇಲೆ ಜೆಸಿಬಿ ಆರ್ಭಟ ಗಿಡಮರಗಳ ದ್ವಂಸ ಮೀನುಗಾರರ ಮೇಲೆ ಅವಾಚ್ಯ ಪದ ಪ್ರಯೋಗ ನೆನಪಿಸಿಕೊಂಡರೆ ಬೇಸರವಾಗುತ್ತದೆ.

ಉಮಾಕಾಂತ ಖಾರ್ವಿ ಕುಂದಾಪುರ