ಖಾರ್ವಿ ಆನ್ಲೈನ್ ಗೆ ಇಂದು ವರುಷದ ಸಂಭ್ರಮ

ಕಾಲದ ಜೊತೆಗೆ ಪಯಣ ಬದುಕಿನ ಅನಿರ್ವಾಯತೆ. ಕಾಲಮಿತಿಯಲ್ಲಿ ಸಾಧನೆ ಬದುಕಿನ ಅನನ್ಯತೆ. ತೊಟ್ಟ ಸಂಕಲ್ಪ,ಇಟ್ಟ ಹೆಜ್ಜೆಗಳು ಸಮಾಜಮುಖಿ ಮಜಲುಗಳ ಸಾರ್ಥಕತೆ. ನಂಬಿದ ತತ್ವಾದರ್ಶಗಳ, ಉನ್ನತ ಧೇಯ್ಯೋದ್ದೇಶವನ್ನಿಟ್ಟುಕೊಂಡು ವರ್ಷಗಳ ಹಿಂದೆ ಹುಟ್ಟಿಕೊಂಡು ಖಾರ್ವಿ ಸಮಾಜದ ಮುಖವಾಣಿಯಾಗಿ ಖಾರ್ವಿ ಆನ್ಲೈನ್ ಸಾಧನೆಯ ಹಾದಿಯಲ್ಲಿ ಬೆಳೆದು ನಿಂತಿದೆ.

ಕಾಲೇಜು ದಿನದಿಂದಲೇ ಸಮಾಜ ಸೇವೆಯಲ್ಲಿ ನಿರತನಾಗಿದ್ದು,ಉದ್ಯೋಗ ನಿಮಿತ್ತ 20 ವರ್ಷಗಳ ಹಿಂದೆ ದುಬೈಗೆ ಹೋಗಬೇಕಾಯಿತು. ಊರಿನಿಂದ ದೂರವಿದ್ದ ಈ ಸಂದರ್ಭದಲ್ಲಿ ಸಮಾಜದ ಆಗುಹೋಗುಗಳನ್ನು ತಿಳಿದುಕೊಳ್ಳಲು ತುಡಿತ ತೀವ್ರವಾಗಿತ್ತು. ಸಮಾಜದೊಂದಿಗೆ ನಿರಂತರವಾಗಿ ಸಂಪರ್ಕ ಹೊಂದುವ ಹಂಬಲದಿಂದ ಮಾಧ್ಯಮವೊಂದರ ಹುಡುಕಾಟದಲ್ಲಿದಾಗ ಮನಸ್ಸಿನಲ್ಲಿ ದಾರಿ ಸ್ಪಷ್ಟವಾಗಿ ಗೋಚರವಾಯಿತು Digitil ಮಾಧ್ಯಮ ಅಂದು Orkut ತುಂಬಾ ಪ್ರಚಲಿತದಲ್ಲಿತ್ತು. ಆ ಒಂದು ವೇದಿಕೆಯನ್ನು ಬಳಸಿಕೊಂಡು ಹದಿನೆಂಟು ವರ್ಷಗಳ ಹಿಂದೆ kharvionline ಎಂಬ ID open ಮಾಡಿ ಅದರ ಮೂಲಕ ಕೆಲವೇ ಬೆರಳೆಣಿಕೆಯಷ್ಟು ಸಮಾಜ ಭಾಂಧವರನ್ನು ಸೇರಿಸಿಕೊಂಡು ಸಮಾಜದ ಆಗುಹೋಗುಗಳ ವಿಚಾರ ವಿನಿಮಯ ಮಾಡುತ್ತಿದೆ. ತದ ನಂತರ Facebook ಮತ್ತು WhatsApp ಮೂಲಕ ಸಮಾಜದ ಜೊತೆಗೆ ನಿರಂತರವಾಗಿ ಬೆಸೆಯುವ ಉದ್ದೇಶ ಬಲವಾಗಿ ಸಮಾಜದ ಹಬ್ಬ, ಹರಿದಿನ, ಕ್ರೀಡೆ, ಸಾಮಾಜಿಕ ಮತ್ತು ಧಾರ್ಮಿಕ ವಿಷಯಗಳ ಬಗ್ಗೆ ನಿರಂತರವಾಗಿ ಪ್ರಕಟಿಸುತ್ತಿದ್ದೆ. ಇದೇ ಸಂದರ್ಭದಲ್ಲಿ srimahakali temple kundapura ಎಂಬ Facebook page ಗೆ ಚಾಲನೆ ದೊರಕಿತು. ಅದು ಸುಮಾರು 3634 ಜನ ಸದಸ್ಯರನ್ನು ಹೊಂದಿದ್ದು,ದೇಗುಲದ ವಿವಿಧ ಧಾರ್ಮಿಕ ವಿಧಿ ವಿಧಾನಗಳು, ಆಚರಣೆಗಳನ್ನು ಪ್ರಸರಿಸುತ್ತಾ ಪ್ರಮುಖ Facebook page ಆಗಿ ಕಾರ್ಯ ನಿರ್ವಹಿಸುತ್ತಿದೆ.

ಆದರೆ ಇದು ನಿರ್ದಿಷ್ಟ ಪರಿಮಿತಿಗೆ ಸೀಮಿತವಾಗಿದ್ದರಿಂದ ಸಮಾಜದ ಆಗುಹೋಗು, ಸಂಸ್ಕೃತಿ, ಪರಂಪರೆಗಳ ಸಮಗ್ರ ಚಿತ್ರಣವನ್ನು ಜಗತ್ತಿನ ಮುಂದೆ ಅನಾವರಣಗೊಳಿಸಬೇಕೇಂಬ ಹಂಬಲ ತೀವ್ರವಾಗಿ ಕಾಡಿದ್ದರಿಂದ ಸಮಾಜದ ಮುಖವಾಣಿಯಾಗಿ ವೆಬ್ಸೆಟ್ ಒಂದನ್ನು ಆರಂಭಿಸಬೇಕೆಂಬ ಆಲೋಚನೆ ಬಂತು. ಸುಮಾರು ಹದಿನೈದು ವರ್ಷಗಳ ಹಿಂದೆ ನನ್ನದೆಯಲ್ಲಿ ಮಡುಗಟ್ಟಿದ್ದ ಆ ಆಲೋಚನೆ, ತುಡಿತಗಳು ಕಾರ್ಯರೂಪಕ್ಕೆ ಬಂದು ಪರಿಪಕ್ವವಾಗಲು ಶುಭಮೂಹೂರ್ತವೂ ಕೂಡಿ ಬಂತು. ಕಳೆದ ವರ್ಷ ಕೋವಿಡ್ ಸಮಯದಲ್ಲಿ ಅಧಿಕೃತವಾಗಿ ಸಮಾಜದ ಹೆಮ್ಮೆಯ ಮುಖವಾಣಿಯಾಗಿ ಖಾರ್ವಿ ಆನ್ಲೈನ್ ಅನಾವರಣಗೊಂಡಿತ್ತು. ಸಮಾಜದ ಆಶೋತ್ತರಗಳಿಗೆ ಬದ್ಧವಾಗಿ ಶಿಕ್ಷಣ, ಕಲೆ, ಸಾಹಿತ್ಯ ಕ್ರೀಡೆ ಮತ್ತು ಸಂಸ್ಕೃತಿ ಕ್ಷೇತ್ರಗಳಲ್ಲಿ ಪ್ರತಿಭಾವಂತ ಸಮಾಜ ಬಂಧುಗಳನ್ನು ತೆರೆಯ ಮುಂದೆ ವಿದ್ಯುಕ್ತವಾಗಿ ಪರಿಚಯಿಸುವ ಕೈಂಕರ್ಯಗಳನ್ನು ಖಾರ್ವಿ ಆನ್ಲೈನ್ ನಡೆಸಿಕೊಂಡು ಬಂದಿದೆ.

ಅಧಿಕೃತವಾಗಿ ಅನಾವರಣಗೊಂಡ ಒಂದು ವರ್ಷಗಳ ಅವಧಿಯಲ್ಲಿ ಸಾಕಷ್ಟು ಸಾಧನೆ ಮಾಡಿದ್ದೇವೆ ಎಂಬ ಸಂತೃಪ್ತಿಯು ಇದೆ. ಸಮಾಜದ ಬಂಧುಗಳು ಖಾರ್ವಿ ಆನ್ಲೈನ್ ನ್ನು ಹೃದಯಪೂರ್ವಕವಾಗಿ ಮೆಚ್ಚಿಕೊಂಡು ಹರಸಿ, ಹಾರೈಸಿದ ಪರಿ ನಿಜಕ್ಕೂ ಅನನ್ಯ. ಇಂದು ಖಾರ್ವಿ ಆನ್ಲೈನ್ ಖಾರ್ವಿ ಸಮಾಜದ ಜೀವನಾಡಿಯಾಗಿದ್ದು ಖಾರ್ವಿ ಆನ್ಲೈನ್ ಎಂದರೆ ಖಾರ್ವಿ ಸಮಾಜ ಖಾರ್ವಿ ಸಮಾಜವೆಂದರೆ ಖಾರ್ವಿ ಆನ್ಲೈನ್ ಎಂಬ ಹಿತವಾದ ಭಾವ ಸೃಷ್ಟಿಯಾಗಿದೆ. ಹತ್ತು ಹಲವು ಸೃಜನಶೀಲ ಮನಸ್ಸುಗಳಿಗೆ ವೇದಿಕೆಯಾದ ಖಾರ್ವಿ ಆನ್ಲೈನ್ ಪ್ರತಿಭಾವಂತ ಲೇಖಕರನ್ನು ಸಮಾಜಕ್ಕೆ ಪರಿಚಯಿಸಿದೆ ಪ್ರತಿಭಾವಂತ ಲೇಖಕರಾದ ಉಮಾಕಾಂತ ಖಾರ್ವಿ ಕುಂದಾಪುರ, ನಾಗರಾಜ್ ಕಂಚಗೋಡ್, ಶ್ರೀ ರವಿಕುಮಾರ್ ಗಂಗೊಳ್ಳಿ ಮುಂತಾದ ಸಾಹಿತ್ಯ ಪ್ರತಿಭೆಗಳ ಹಲವಾರು ಮೌಲ್ಯಯುತವಾದ ಮತ್ತು ಸಮಾಜದ ಆಗುಹೋಗುಗಳ ಮೇಲೆ ಕ್ಷಕಿರಣ ಬೀರುವ ಲೇಖನಗಳು ಬೆಳಕು ಕಂಡಿದೆ.