NEP2020 – ನಾವು ಈ ಸಮಗ್ರ ಶಿಕ್ಷಣದ ಸ್ವರೂಪವನ್ನು ನೋಡಲಿದ್ದೇವೆಯೇ?

ಕಳೆದ ವರ್ಷ ಅಂದರೆ 2020 ರಲ್ಲಿ ಭಾರತೀಯ ಶಿಕ್ಷಣ ವ್ಯವಸ್ಥೆಯಲ್ಲಿ ಶಾಲೆಯಿಂದ ಕಾಲೇಜು ಮಟ್ಟಕ್ಕೆ ಹಲವಾರು ಬದಲಾವಣೆಗಳನ್ನು ಪರಿಚಯಿಸುವ ಉದ್ದೇಶದಿಂದ, ಕೇಂದ್ರ ಕ್ಯಾಬಿನೆಟ್ 2020 ರ ಹೊಸ ರಾಷ್ಟ್ರೀಯ ಶಿಕ್ಷಣ ನೀತಿ (NEP) ಯನ್ನು ಅಂಗೀಕರಿಸಲಾಯಿತು. ಇದು ಸ್ವಾತಂತ್ರ್ಯದ ನಂತರ ಭಾರತದಲ್ಲಿ ಶಿಕ್ಷಣದ ಚೌಕಟ್ಟಿನ ಹಿಂದಿನ ಎರಡು ಶಿಕ್ಷಣ ನೀತಿಗಳು ಅಂದರೆ 1968 ಮತ್ತು 1986 ನಂತರ, ಎನ್ಇಪಿ(NEP) 2020 ಮೂರನೇ ಪ್ರಮುಖ ಪುನರ್ರಚನೆಯಾಗಿದೆ.

ಎನ್ಇಪಿ 2020ಯ ಮುಖ್ಯ ಗುರಿ ” ಭಾರತವನ್ನು ಜಾಗತಿಕ ಜ್ಞಾನ ಆಧಾರಿತ ಸೂಪರ್ ಪವರ್” ನ್ನಾಗಿ ಮಾಡುವುದು. ಇದಕ್ಕಾಗಿ, 2030ರ ವೇಳೆಗೆ “ಎಲ್ಲ ವರ್ಗದವರಿಗೂ ಸಮನಾ ಗುಣಮಟ್ಟದ ಶಿಕ್ಷಣವನ್ನು ಖಾತ್ರಿಪಡಿಸಿಕೊಳ್ಳವ ಜೊತೆಯಲ್ಲಿ ಎಲ್ಲರಿಗೂ ಆಜೀವ ಕಲಿಕೆಯ ಅವಕಾಶಗಳನ್ನು ಉತ್ತೇಜಿಸಲು ಉದ್ದೇಶಿಸಿದೆ. ಇದ್ದಕಾಗಿ ಶಿಕ್ಷಣ ವ್ಯವಸ್ಥೆಯ ರಚನೆಯ ಎಲ್ಲಾ ಅಂಶಗಳನ್ನು ಪರಿಷ್ಕರಿಸಲು ಮತ್ತು ಪುನಃರಚಿಸಲು ಪ್ರಸ್ತಾಪಿಸುತ್ತದೆ. ಆದರೆ ಈ ಎಲ್ಲ ಬದಲಾವಣೆಗಳು ಭಾರತದ ಸಂಪ್ರದಾಯಗಳು ಮತ್ತು ಮೌಲ್ಯ ವ್ಯವಸ್ಥೆಗಳ ಆದರದ ಮೇಲೆ ಇರುತದೆ. ಮತ್ತೊಂದು ಕುತೂಹಲಕಾರಿ ಬದಲಾವಣೆಯೆಂದರೆ, ಮಾನವ ಸಂಪನ್ಮೂಲ ಅಭಿವೃದ್ಧಿ ಸಚಿವಾಲಯವನ್ನು ಶಿಕ್ಷಣ ಸಚಿವಾಲಯಕ್ಕೆ ಮರುನಾಮಕರಣ ಮಾಡಲು ಕ್ಯಾಬಿನೆಟ್ ಅನುಮೋದನೆ ನೀಡಿದೆ.

ಈ ಶಿಕ್ಷಣ ನೀತಿ ಬದಲಾವಣೆಯಲ್ಲಿ – ಶಿಕ್ಷಣದ ಮೂಲಭೂತ ಬದಲಾವಣೆಗಳ ಮೇಲೆ ಕೇಂದ್ರೀಕರಿಸುವುದರ ಹೊರತಾಗಿ, ಪ್ರಮುಖ ವ್ಯತ್ಯಾಸವೆಂದರೆ ಮೊದಲನೆಯದಾಗಿ ಸಮಗ್ರ ಶಿಕ್ಷಣದ ಮಹತ್ವ ಮತ್ತು ಅದನ್ನು ಅಳವಡಿಸುವ ಬಗ್ಗೆ ಒತ್ತಿಹೇಳುತ್ತದೆ ಮತ್ತು ಈಗಿರುವ ಸಂಕ್ಷಿಪ್ತ ಮೌಲ್ಯಮಾಪನ(summative) ವಿಧಾನದ ಬದಲು, ವಿದ್ಯಾರ್ಥಿಗಳ ಪರಿಪೂರ್ಣ ಕಲಿಕೆಗಾಗಿ ರಚನಾತ್ಮಕ (formative) ಮೌಲ್ಯಮಾಪನವನ್ನು ಪರಿಚಯಿಸಲು ಪ್ರಸ್ತಾಪಿಸಿದೆ.

ಹಾಗಾದರೆ ಮೊದಲು ನಾವು ಸಮಗ್ರ ಶಿಕ್ಷಣ ಎಂದರೇನು ಅರ್ಥಮಾಡಿಕೊಳ್ಳೋಣ? ಸಮಗ್ರ ಶಿಕ್ಷಣವು ಬೋಧನೆಗೆ ಒಂದು ವಿಸ್ತಾರವಾದ ವಿಧಾನವಾಗಿದು ಅಲ್ಲಿ ಸುಸಂಬದ್ಧವಾದ ಕಲಿಕೆಯ ವ್ಯವಸ್ಥೆಯಲ್ಲಿ ಶಿಕ್ಷಣತಜ್ಞರು ವಿದ್ಯಾರ್ಥಿಗಳ ಭಾವನಾತ್ಮಕ, ಸಾಮಾಜಿಕ, ನೈತಿಕ, ಮತ್ತು ಶೈಕ್ಷಣಿಕ ಅಗತ್ಯಗಳ ಅರ್ಥೈಸಿಕೊಂಡು ಅದಕ್ಕೆ ಅನುಗುಣವಾಗಿ ಶಿಕ್ಷಣವನ್ನು ಒದಗಿಸುವ ಪ್ರಯತ್ನ ಮಾಡುತ್ತಾರೆ. ಇಂಥ ವ್ಯವಸ್ಥೆಯಲ್ಲಿ ಸಕಾರಾತ್ಮಕ ಶಾಲಾ ವಾತಾವರಣಕ್ಕೆ ಒತ್ತು ನೀಡಲಾಗುತ್ತದೆ ಮತ್ತು ಶೈಕ್ಷಣಿಕ ಮತ್ತು ಶೈಕ್ಷಣಿಕೇತರ ಅವಶ್ಯಕತೆಗಳನ್ನು ಪೂರ್ಣಗೊಳಿಸಲು ಬೆಂಬಲಿಸುತ್ತದೆ.

ವಿದ್ಯಾರ್ಥಿಗಳಿಗೆ ಅವರ ಚಟುವಟಿಕೆಗಳನ್ನು ಪ್ರತಿಬಿಂಬಿಸಲು ಕಲಿಸಲಾಗುತ್ತದೆ ಮತ್ತು ಅವು ಜಾಗತಿಕ ಮತ್ತು ಸ್ಥಳೀಯ ಸಮುದಾಯದ ಮೇಲೆ ಹೇಗೆ ಪರಿಣಾಮ ಬೀರುತ್ತವೆ, ಹಾಗೆಯೇ ಅವರ ಸುತ್ತಲಿನ ಸಮುದಾಯದಿಂದ ಕಲಿಯುವುದಕೂ ಅನುಕೂಲ ಮಾಡಿ ಕೊಡುತದೆ. ಶಿಕ್ಷಕರು ಹೆಚ್ಚಾಗಿ ವಿದ್ಯಾರ್ಥಿಗಳನ್ನು ಯೋಜನೆಗಳಲ್ಲಿ(projects) ತೊಡಗಿಸಿಕೊಳ್ಳುತ್ತಾರೆ. ಇದು ಮಕ್ಕಳಿಗೆ ನೈಜ-ಪ್ರಪಂಚದ(real life) ಸಮಸ್ಯೆಗಳನ್ನು ಪರಿಹರಿಸುವಲ್ಲಿ ವಿಮರ್ಶಾತ್ಮಕ-ಚಿಂತನೆಯ ಕೌಶಲ್ಯಗಳನ್ನು ಅನ್ವಯಿಸಲು ಅವರ ಮನಸ್ಸಿಗೆ ಬೌದ್ಧಿಕ ತರಬೇತಿ ನೀಡುತ್ತದೆ.

ಕಲಿಕೆಯಲ್ಲಿ ಈ ವಿಧಾನದೊಂದಿಗೆ, ಮೌಲ್ಯಮಾಪನವು ಸಹ ಹಳೆಯದಾಗಿರಬಾರದು,ಅಲ್ವ?… ಅಂದರೆ ಸಂಕ್ಷಿಪ್ತ ಮೌಲ್ಯಮಾಪನ (Summative Evaluation) ಬದಲಿಗೆ ಅದು ರಚನಾತ್ಮಕ ಮೌಲ್ಯಮಾಪನವಾಗಿರಬೇಕು (Formative Evaluation).